Khoob Kartay Ho Dil Lagi Sahib

Khoob Kartay Ho Dil Lagi Sahib

Aur Us Par Ye Be Rukhi Sahib

Piyaar Aur Wo Bhi Ham Karain Tum Se

Ham Ko Piyaari Hai Zindagi Sahib

Ab Wo Saanson Ka Silsila Bhi Nahi

Le Lo Jo Hain Bachi Kuchi Sahib

Tum Jataatay Ho Piyaar Viyaar Magar

Ham Ko Lagtay Ho Ajnabi Sahib

Is Mein Kuch Aap Ka Bhi Hissa Hai

Ye Jo Palkon Pe Hai Nami Sahib

Ye Andheron Ka Ik Tamaasha Hai

Aap Kehtay Ho Roshni Sahib

Ab Wo Qisson Mein Mil Sakain Shaayad

Pehlay Hotay Thay Aadmi Sahib

Aaj Kal Ho Kisi Ke Chakkar Main

Baat Loogon Se Ye Suni Sahib

Tum Ko Bhoolay Tou Ye Laga Ham Ko

Dard Mein Kuch Howi Kami Sahib

Dushmani Ne Thakaa Diya Ham Ko

Ham Se Kar Lo Ab Dosti Sahib

Baat Kiya Hai Jo Khaaye Jaati Hai

Tum Ne Poochi Na Kuch Kahi Sahib

Share on Google Plus

About UsMan

This is a short description in the author block about the author. You edit it by entering text in the "Biographical Info" field in the user admin panel.